Hum ko kab tak vo aazmaayenge..
aur kitnaa humein sataayenge....??
gham-e-dauraan ki kashmakash mein humein
'kya khabar thi vo bhool jaayenge'......
do qadam saath chalte chalte phir
humko tanhaa vo chhod jaayenge
saari qasmon ko, saare vaadon ko,
ham to samjhe the, voh nibhaayenge...
ab bhee ummeed hai mere dil ko
kal ko shaayad vo laut aayenge!
meri taareek zindagii mein,
phir pyaar ke diye vo jalaayenge!
agar mere pyaar pe yaqeen na huan
to unko dil cheer ke dikhaayenge!
bhool kar sab shikaayateN,
un ko pyaar se ham gale lagaenge.......
maaf karke khataooN ko unkiiphir se ghar apna hum basaayenge!!
Subscribe to:
Post Comments (Atom)
No comments:
Post a Comment